ଆପଣଙ୍କ ବିରୁଦ୍ଧରେ କିଛି କରିବାକୁ ମୁଁ ସ୍ୱପ୍ନରେ ସୁଦ୍ଧା ଭାବିନାହିଁ। ଅଶୋକ ହେଉଛନ୍ତି ପୂର୍ବତନ ରାଜ୍ୟସଭା ସାଂସଦ। ସେ ମାୟାବତୀଙ୍କ ପୁତୁରା ଆକାଶ ଆନନ୍ଦଙ୍କ ଶ୍ୱଶୁର। ଦିନକ ଆଗରୁ ଅଶୋକଙ୍କୁ ରାଜନୀତିରୁ ସନ୍ୟାସ ନେଇଯିବାକୁ ପରାମର୍ଶ ଦେବା ସହ ସର୍ତ୍ତ ରଖିଥିଲେ ମାୟାବତୀ। ଅଶୋକଙ୍କ ସ୍ୱାର୍ଥ ଓ ମହତ୍ତ୍ୱକାଙ୍କ୍ଷା ଲାଗି ଆକାଶଙ୍କୁ ଏହାର ପରିଣାମ ଭୋଗିବାକୁ ପଡ଼ୁଛି ବୋଲି କହିଥିଲେ ମାୟାବତୀ।
ଯେଉଁ ଲୋକ ଦଳର ଅଗ୍ରଗତିରେ ସାମାନ୍ୟ ବି ପ୍ରତିବନ୍ଧକ ସୃଷ୍ଟି କରିବାକୁ ଚାହୁଁଛନ୍ତି, ସେମାନଙ୍କ ବିରୁଦ୍ଧରେ ଅନୁଶାସନମୂଳକ କାର୍ଯ୍ୟାନୁଷ୍ଠାନ ହେବ ଓ ଜାରି ରହିଛି। ଏହାର ଚର୍ଚ୍ଚିତ ଉଦାହରଣ ବିଏସପିର ରାଜ୍ୟସଭା ସାଂସଦ ଥିବା ଅଶୋକ ସିଦ୍ଧାର୍ଥ। ଅଶୋକଙ୍କୁ ସୁଧୁରିବାକୁ ଦଳ ଅନେକ ମଉକା ଦେଲା।
