କୀର୍ତ୍ତିଚକ୍ର ସୁନ୍ଦରମଙ୍କୁ ସମ୍ମାନିତ କଲେ ତାମିଲନାଡ଼ୁ ମୁଖ୍ୟମନ୍ତ୍ରୀ ବିଜୟ

କୀର୍ତ୍ତିଚକ୍ର ପୁରଷ୍କାରପ୍ରାପ୍ତ ଜବାନ ଲାନ୍ସ ନାଏକ ଏ.ଏମ. ସୁନ୍ଦରମଙ୍କୁ ସମ୍ମାନିତ କଲେ ତାମିଲନାଡ଼ୁ ମୁଖ୍ୟମନ୍ତ୍ରୀ ଜୋସେଫ ବିଜୟ। ସଚିବାଳୟରେ ସପରିବାରକୁ ଭେଟିବା ସହ ସମ୍ମାନିତ କରିଛନ୍ତି। ଆତଙ୍କବାଦ ବିରୋଧୀ ଅପରେସନରେ ସାହସିକ, ଉଲ୍ଲେଖନୀୟ ସେବା ପ୍ରଦର୍ଶନ ଲାଗି ରାଜ୍ୟ ସରକାରଙ୍କ ପକ୍ଷରୁ ୪୮ଲକ୍ଷ ଟଙ୍କା ଚେକ୍ ଦିଆଯାଇଛି। ଜୋସେଫ ତାଙ୍କ କୁନି ପୁଅକୁ କୋଳରେ ବସାଇ ବେଶ୍ ଆଦର କରିଥିଲେ। ଏହି ବୀରଙ୍କ ପୁରା ପରିବାରକୁ ଭେଟି ନିଜକୁ ଧନ୍ୟ ମଣିଛନ୍ତି। ଡିସେମ୍ୱର ୧୯, ୨୦୨୪ରେ ଜମ୍ମୁକଶ୍ମୀରର କୁଲଗାଁରେ ନକ୍ସଲ ଦମନ ଅଭିଯାନରେ ପ୍ରଶଂସନୀୟ କାମ କରିଥିଲେ ସୁନ୍ଦରମ। ତାଙ୍କ ମୁହଁ ଓ କାନ୍ଧରେ ଗୁଳି ଲାଗିବା ସତ୍ତ୍ୱେ ନକ୍ସଲଙ୍କୁ ନିପାତ କରିବାକୁ ପଛାଇନଥିଲେ। ଲାନ୍ସ ନାଏକ ମୀନାକ୍ଷୀ ସୁନ୍ଦରମ ଏ. ଭାରତୀୟ ସେନାର 34 ରାଷ୍ଟ୍ରୀୟ ରାଇଫଲ୍ସ (Rashtriya Rifles) ର ଜଣେ ସାହାସୀ ଜବାନ। ଆତଙ୍କବାଦ ବିରୋଧୀ ଅଭିଯାନ ସମୟରେ ସେ ଅଦ୍ଭୁତ ସାହସ ଓ କର୍ତ୍ତବ୍ୟନିଷ୍ଠାର ପରିଚୟ ଦେଇଥିଲେ। ଅଭିଯାନ ବେଳେ ତାଙ୍କ ମୁହଁ ଏବଂ ଡାହାଣ କାନ୍ଧରେ ଗୁଳି ବାଜିଥିଲା। ଗୁରୁତର ଆହତ ହେବା ସତ୍ତ୍ୱେ ସେ ପଛକୁ ନ ହଟି ଯୁଦ୍ଧ ଜାରି ରଖିଥିଲେ। ଅସାଧାରଣ ଧୈର୍ଯ୍ୟ ଓ ସାହସ ପ୍ରଦର୍ଶନ କରି ସେ ନିକଟରୁ ଜଣେ କୁଖ୍ୟାତ ଆତଙ୍କବାଦୀଙ୍କୁ ନିହତ କରିଥିଲେ ଏବଂ ଅପରେସନ୍‌କୁ ସଫଳ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲେ।  ତାଙ୍କର ଏହି ବୀରତା, ଅଦମ୍ୟ ସାହସ ଏବଂ ଦେଶସେବା ପ୍ରତି ଅତୁଟ ସମର୍ପଣକୁ ସ୍ୱୀକୃତି ଦେଇ ରାଷ୍ଟ୍ରପତି ଦ୍ରୌପଦୀ ମୁର୍ମୁ ୨୦୨୬ରେ ତାଙ୍କୁ ଭାରତର ଦ୍ୱିତୀୟ ସର୍ବୋଚ୍ଚ ଶାନ୍ତିକାଳୀନ ବୀରତା ପୁରସ୍କାର କୀର୍ତ୍ତି ଚକ୍ର ପ୍ରଦାନ କରିଥିଲେ।