Tractor Accident ; ଟ୍ରାକ୍ଟର ଚକା ତଳେ ଚାଲିଗଲା ଜୀବନ

ମୁରୁମ୍ ବୋଝେଇ ଟ୍ରାକ୍ଟର ଓଲଟିଲା, ଚକା ତଳେ ଚାପି ଚାଲିଗଲା ଡ୍ରାଇଭରଙ୍କ ଜୀବନ | ମୃତକ ହେଲେ ଗୋଲାଗୁଡ଼ା ଗ୍ରାମର ଶଙ୍କର କୋଷାରୀୟା (୩୦)। ପିତାଙ୍କ ନାମ ମଂଗତୁ କୋଷାରୀୟା | ମିଳିଥିବା ସୂଚନା ଅନୁଯାୟୀ, ଗୋଲାଗୁଡ଼ା ପାମଗେଟାରୁ ଗୋଲାଗୁଡ଼ା ଯିବା ରାସ୍ତା ମଝିରେ ଥିବା କୋଲବେଟି ନିକଟରେ ଏହି ଦୁର୍ଘଟଣା ଘଟିଛି । ଶଙ୍କର ଏକ ଟ୍ରାକ୍ଟରରେ ମୁରୁମ୍ ନେଇ ଯାଉଥିବା ସମୟରେ ଗାଡ଼ି ଉପରେ ନିୟନ୍ତ୍ରଣ ହରାଇଥିଲେ । ଫଳରେ ଟ୍ରାକ୍ଟରଟି ଓଲଟି ପଡ଼ିବା ସହ ଶଙ୍କର ଚକା ତଳେ ଚାପି ହୋଇଯାଇଥିଲେ । ଖବର ପାଇ ପଡ଼ିଆ ପୋଲିସ ଘଟଣାସ୍ଥଳରେ ପହଞ୍ଚି ଜେସିବି ସାହାଯ୍ୟରେ ଟ୍ରାକ୍ଟରକୁ ଉଠାଇ ଶଙ୍କରଙ୍କ ମୃତଦେହ ଉଦ୍ଧାର କରିଥିଲା । ପରେ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ପୋଲିସର ତଦନ୍ତ ପରେ ଦୁର୍ଘଟଣାର ପ୍ରକୃତ କାରଣ ଓ ସମ୍ପୂର୍ଣ୍ଣ ଘଟଣାକ୍ରମ ସ୍ପଷ୍ଟ ହେବ ବୋଲି ଜଣାପଡ଼ିଛି।