ପୋଲିସ ଏବଂ ପରିବାର ଲୋକ ଉପସ୍ଥିତିରେ ପ୍ରେମିକାକୁ ପ୍ରେମିକାର ଗଳା କାଟି ହତ୍ୟା କଲା ପ୍ରେମିକ

ମଧ୍ୟପ୍ରଦେଶ : ପୋଲିସ ଏବଂ ପରିବାର ଲୋକ ଉପସ୍ଥିତିରେ ପ୍ରେମିକାର ଗଳା କାଟି ହତ୍ୟା କଲା ପ୍ରେମିକ । ଗୁଜରାଟ ଗାନ୍ଧୀନଗର ନ୍ୟାସନାଲ ଉଦୟପୁର ହାଇୱେ ସ୍ଥିତ ଏକ ହୋଟେଲରେ ଘଟିଛି ଏଭଳି ଜଘନ୍ୟ ହତ୍ୟାକାଣ୍ଡ । ମଧ୍ୟପ୍ରଦେଶର ଶିବପୁରୀ ଜିଲ୍ଲାର ଏକ ପ୍ରେମୀଯୁଗଳଙ୍କୁ ଗୁଜରାଟରୁ ଫେରାଇ ଆଣୁଥିବା ବେଳେ ଘଟିଛି ଏକ ହୃଦୟବିଦାରକ ଘଟଣା। ହୋଟେଲରେ ପ୍ରେମିକ ସନ୍ତୋଷ ଜାଟବ ତାଙ୍କ ପ୍ରେମିକା ରଜନୀ ଧାକଡଙ୍କ ଗଳା କାଟି ହତ୍ୟା କରିଥିବା ଅଭିଯୋଗ ହୋଇଛି। ଘଟଣା ପରେ ସେ ନିଜ ଗଳା କାଟି ଆତ୍ମହତ୍ୟା ଉଦ୍ୟମ ମଧ୍ୟ କରିଥିଲେ। ମଧ୍ୟପ୍ରଦେଶ ପିପରସମା ଗାଁର ସନ୍ତୋଷ ଜାଟକ ପେଶାରେ ଜଣେ ବିଲ୍ଡର ଥିଲେ । ସେ ତାଙ୍କ ଗାଁର ବ୍ରଜଲାଲ ଧକଡ଼ଙ୍କ ଘର ନିର୍ମାଣ କରୁଥିଲେ । ସେହି ସମୟରେ ସନ୍ତୋଷ ବ୍ରଜଲାଲଙ୍କ ୨୧ ବର୍ଷୀୟା ରଜନୀ ଧାକଡଙ୍କୁ ଭଲ ପାଇଥିଲେ । ଉଭୟ ୩ ବର୍ଷର ସଂପର୍କରେ ସ୍ବପ୍ନର ଘର ଗଢିବାକୁ ଚାହୁଁଥିଲେ । ହେଲେ ଉଭୟଙ୍କ ଘର ଗୋଟିଏ ଗାଁ ହୋଇଥିବାରୁ ପରିବାର ଲୋକେ ରାଜି ହୋଇନଥିଲେ । ସୂଚନା ଅନୁଯାୟୀ, ଜୁନ୍ ୭ ତାରିଖରେ ସନ୍ତୋଷ ଓ ରଜନୀ କାହାକୁ କିଛି ନକରି ଘରୁ ପଳାଇ ଯାଇଥିଲେ । ପରିବାର ପକ୍ଷରୁ ଘରୁ ଝିଅ ଫେରାର ହୋଇଥିବା ନେଇ ବାପା ବ୍ରିଜଲାଲ ଶିବପୁରୀ ଥାନାରେ ଲିଖିତ ଅଭିଯୋଗ କରିଥିଲେ । ଜୁନ୍ ୧୧ ତାରିଖରେ ଗୁଜରାଟର ରାଜକୋଟ ଜିଲ୍ଲାର ଏକ ଶ୍ରମିକ ବସ୍ତିରୁ ଉଭୟଙ୍କୁ ଠାବ କରିଥିଲା। ସେମାନେ ଗୁଜରାଜର ରାଜକୋଟ ଯାଇ ସେଠାରେ ଘର ଭଡ଼ା ନେଇ ରହୁଥିଲେ । ପୋଲିସ ତଦନ୍ତ କରି ସନ୍ତୋଷ ଓ ରଜନୀ ରାଜକୋଟରେ ରହିଥିବା ଖବର ପାଇଥିଲା । ତେଣୁ ପରିବାର ଲୋକ ଏବଂ ପୋଲିସ ଝିଅ ରଜନୀକୁ ଆଣିବା ପାଇଁ ରାଜକୋଟ ଯାଇଥିଲେ । ଆଉ ରାଜକୋଟରୁ ରଜନୀ ଓ ସନ୍ତୋଷଙ୍କୁ ଉଦ୍ଧାର କରିବାରେ ସଫଳ ହୋଇଥିଲେ ପୋଲିସ ଟିମ୍‌, ରଜନୀଙ୍କ ଭାଇ ଏବଂ ଏହି ପ୍ରେମୀଯୁଗଳଙ୍କୁ ନେଇ ଶିବପୁରୀ ଫେରୁଥିଲେ। ଦୀର୍ଘ ଯାତ୍ରା ହେତୁ ବୁଧବାର ରାତିରେ ସେମାନେ ଦିନ ସାରା ଥକି ଯାଇଥିବାରୁ ପୂରା ଟିମ୍ ୧୧ ଜୁନ ରାତିରେ ଗାନ୍ଧୀନଗର ହାଇୱେରେ ଏକ ହୋଟେଲରେ ରହିଥିଲେ । ଗୋଟିଏ ବିଛଣାରେ ରଜନୀଙ୍କ ଭାଇ ପ୍ରବେନ୍ଦ୍ର, ନୀରଜ ଓ କନଷ୍ଟେବଳ ବଦନସିଂହ ଶୋଇଥିବା ବେଳେ ଅନ୍ୟ ଏକ ବିଛଣାରେ ହେଡ୍ କନଷ୍ଟେବଳ ଦୀପଚନ୍ଦ ଶୋଇଥିଲେ । ରଜନୀ ତଳେ ଗଦି ପକାଇ ଶୋଇଥିଲେ । ସନ୍ତୋଷ ଦୁଇଟି ବିଛଣା ମଝିରେ ଥିବା ଖାଲି ଜାଗାରେ ଶୋଇଥିଲେ । କୋଠରୀର ଲାଇଟ୍ ବନ୍ଦ କରିଦିଆଯାଇଥିଲା । କ୍ଲାନ୍ତ ଯୋଗୁଁ ସମସ୍ତେ ଗଭୀର ନିଦ୍ରାରେ ଶୋଇପଡ଼ିଲେ । ରାତି ପ୍ରାୟ ୨ଟାରୁ ୨ଟା ୩୦ ମଧ୍ୟରେ ସନ୍ତୋଷ ନିଜ ପାଖରେ ଲୁଚାଇ ରଖିଥିବା ଛୁରୀରେ ରଜନୀଙ୍କ ମୁଣ୍ଡକୁ ନିଜ କୋଳରେ ରଖି ବେକ କାଟିରୁ ଚିତ୍କାର ଶୁଣି ସମସ୍ତେ ଉଠିପଡ଼ିଥିଲେ । ହେଲେ ସେହି ସମୟରେ ହେଡ୍ କନଷ୍ଟେବଳ ଦୀପଚନ୍ଦଙ୍କ ନିଦ ଭାଙ୍ଗି ଯାଇଥିଲା । ଦେଖିବାକୁ ମିଳିଥିଲା ଯେ, ରଜନୀ ସନ୍ତୋଷଙ୍କ କୋଳରେ ରକ୍ତାକ୍ତ ଅବସ୍ଥାରେ ପଡ଼ି ରହିଥିଲେ ଏବଂ ସନ୍ତୋଷଙ୍କ ହାତରେ ଏକ ଛୁରୀ ଥିଲା। ସେ ନିଜ ଗଳାକୁ ମଧ୍ୟ ଆଘାତ କରିଥିଲେ। ପୋଲିସ ତୁରନ୍ତ ତାଙ୍କୁ କାବୁ କରି ଛୁରୀ ଜବତ କରିଥିଲା ଏବଂ ଉଭୟଙ୍କୁ ୧୦୮ ଆମ୍ବୁଲାନ୍ସରେ ଗୁରୁତର ଅବସ୍ଥାରେ ସନ୍ତୋଷଙ୍କୁ ଗାନ୍ଧୀନଗର ସିଭିଲ୍ ଗାନ୍ଧୀନଗର ସିଭିଲ ହସ୍ପିଟାଲକୁ ନେଇଯାଇଥିଲା। ହସ୍ପିଟାଲରେ ଡାକ୍ତର ରଜନୀଙ୍କୁ ମୃତ ଘୋଷଣା କରିଥିବା ବେଳେ ସନ୍ତୋଷଙ୍କୁ ଆଇସିୟୁରେ ଭର୍ତ୍ତି କରାଯାଇଛି। ସେଠାରେ ତାଙ୍କ ଅବସ୍ଥା ଅଧିକ ସଙ୍କଟାପନ୍ନ ହେବାରୁ ଅହମ୍ମଦାବାଦ ସିଭିଲ୍ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ପୋଲିସ କହିଛି ଯେ, ଶୋଇବା ପୂର୍ବରୁ ସନ୍ତୋଷଙ୍କ ତଲାସି କରାଯାଇଥିଲା ଏବଂ ତାଙ୍କ ପାଖରେ କୌଣସି ଧାରୁଆ ଅସ୍ତ୍ର ମିଳିନଥିଲା। ତେବେ ମହିଳା ପୋଲିସ ନଥିବାରୁ ରଜନୀଙ୍କ ତଲାସି କରାଯାଇନଥିଲା। ଏହି ହତ୍ୟାକାଣ୍ଡରେ ବ୍ୟବହୃତ ଛୁରୀ କେମିତି ଘଟଣାସ୍ଥଳକୁ ପହଞ୍ଚିଲା, ତାହାକୁ ନେଇ ତଦନ୍ତ ଚାଲିଛି। ଘଟଣାଟି ଗୁଜରାଟରେ ଘଟିଥିବାରୁ ଗାନ୍ଧୀନଗର ଜିଲ୍ଲାର ଚିଲୋଡା ଥାନାରେ ମାମଲା ରୁଜୁ ହୋଇଛି। ପ୍ରାଥମିକ ତଦନ୍ତରେ ଜଣାପଡ଼ିଛି ଯେ, ସନ୍ତୋଷ ପ୍ରଥମେ ରଜନୀଙ୍କ ମୁହଁ ଚାପି ଧରିଥିଲେ ଏବଂ ପରେ ଛୁରୀରେ ତାଙ୍କ ଗଳା କାଟିଦେଇଥିଲେ। ପୋଲିସ ଏହି ଘଟଣାର ଅଧିକ ତଦନ୍ତ ଜାରି ରହିଛି।