ବଜରଙ୍ଗ ଦଳ ନେତାଙ୍କୁ ହତ୍ୟା: ଅଭିଯୁକ୍ତ ଘରେ ନିଆଁ ଲଗାଇଲେ ଲୋକେ, ଇଣ୍ଟରନେଟ୍ ସେବା ବନ୍ଦ

ଡେରାଡୁନ : ଉତ୍ତରାଖଣ୍ଡର ଡେରାଡୁନ ଜିଲ୍ଲାର ବିକାଶନଗର ଅଞ୍ଚଳରେ ଏକ ଯୁବକଙ୍କୁ ନିର୍ମମ ଭାବେ ପିଟିପିଟି ହତ୍ୟା । ଘଟଣା ପରେ ଉତ୍ୟକ୍ତ ଲୋକେ ଅଭିଯୁକ୍ତଙ୍କ ଘର ଉପରେ ଆକ୍ରମଣ କରି ନିଆଁ ଲଗାଇଦେଇଛନ୍ତି  । ଉତ୍ତରାଖଣ୍ଡର ଡେରାଡୁନ ଜିଲ୍ଲା ଅନ୍ତର୍ଗତ ବିକାଶନଗରର ସହସ୍ପୁର ଥାନା ଅଞ୍ଚଳରେ ଜଣେ ବଜରଙ୍ଗ ଦଳ ନେତାଙ୍କ ହତ୍ୟା ପରେ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି।  ସୂଚନା ଅନୁସାରେ, ଜମିରେ ପାଣି ଏବଂ ଆର୍ଥିକ ଲେନଦେନକୁ ନେଇ ଦୁଇ ସାମାନ୍ୟ ବଚସା ମଧ୍ୟରେ ବିବାଦ ଥିଲା । ଏହି ଝଗଡ଼ା ଭୟଙ୍କର ସଂଘର୍ଷର ରୂପ ନେଇଥିଲା । ବିଜେପି ଓବିସି ମୋର୍ଚ୍ଚାର ନେତା ବିନୋଦ କଶ୍ୟପଙ୍କୁ ନିର୍ମମ ଭାବେ ହତ୍ୟା କରାଯାଇଛି । ଏକ ନିର୍ଦ୍ଦିଷ୍ଟ ସମ୍ପ୍ରଦାୟର କିଛି ଲୋକ ଯୁବକଙ୍କୁ ଘେରିଯାଇ ନିର୍ଧୁମ ମାଡ଼ ମାରିଥିଲେ, ଯାହାଫଳରେ ତାଙ୍କର ମୃତ୍ୟୁ ଘଟିଥିଲା । ଏହି ଆକ୍ରମଣରେ ଜଣେ ମହିଳାଙ୍କ ସମେତ ଅନ୍ୟ ତିନି ଜଣ ଗୁରୁତର ଆହତ ହୋଇଛନ୍ତି । ଯୁବକଙ୍କ ମୃତ୍ୟୁ ପରେ ଉତ୍ୟକ୍ତ ଲୋକ ପୋଲିସ ଉପସ୍ଥିତିରେ ହିଁ ଅଭିଯୁକ୍ତଙ୍କ ଘର ଉପରକୁ ପଥରମାଡ଼ କରିବା ସହ ତାଙ୍କ ଘରେ ନିଆଁ ଲଗାଇ ଦେଇଛନ୍ତି । ପୋଲିସ ସୂଚନା ଅନୁସାରେ, ଘଟଣା ସମୟରେ ୧୫-୨୦ ଜଣ ଆକ୍ରମଣକାରୀ ହାମର୍, ଶାବଳ ଏବଂ ଧାରୁଆ ଅସ୍ତ୍ର ସହିତ ଆସି ଆକ୍ରମଣ କରିଥିଲେ। ଆହତ ବିନୋଦଙ୍କୁ ହସ୍ପିଟାଲକୁ ନେଉଥିବା ବେଳେ ମୃତ୍ୟୁ ହୋଇଯାଇଥିଲା। ଘଟଣା ପରେ ଗାଁରେ ଭୟଙ୍କର ଜଳାପୋଡ଼ା ସୃଷ୍ଟି ହୋଇଛି। ମୃତ୍ୟୁ ପରେ ଉତ୍ୟକ୍ତ ଲୋକ ପୋଲିସ ଉପସ୍ଥିତିରେ ମଧ୍ୟ ଅଭିଯୁକ୍ତଙ୍କ ଘରକୁ ପଥର ମାଡ଼ କରିବା ସହ ନିଆଁ ଲଗାଇଦେଇଥିଲେ।  ବିକ୍ଷୋଭକାରୀମାନେ ଅଭିଯୁକ୍ତଙ୍କୁ ତୁରନ୍ତ ଗିରଫ ଦାବି କରି ଜାତୀୟ ରାଜପଥ ଅବରୋଧ କରିଥିଲେ। ସ୍ଥିତି ନିୟନ୍ତ୍ରଣ ପାଇଁ ବହୁ ସଂଖ୍ୟକ ପୋଲିସ ଏବଂ PAC ଯବାନ ମୁତୟନ କରାଯାଇଛି, ଏବଂ ଅଞ୍ଚଳରେ ଇଣ୍ଟରନେଟ୍ ସେବା ସାମୟିକ ଭାବେ ବନ୍ଦ କରାଯାଇଛି। ପୋଲିସ ୧୨ ଜଣ ନାମଜଦ ଅଭିଯୁକ୍ତ ଓ ୩୦-୩୫ ଅଜଣା ବ୍ୟକ୍ତିଙ୍କ ବିରୋଧରେ ହତ୍ୟା, ହତ୍ୟା ଚେଷ୍ଟା ଏବଂ ଦଙ୍ଗା ମାମଲା ରୁଜୁ କରିଛି। ପୋଲିସ ଏପର୍ଯ୍ୟନ୍ତ ୪ ଜଣଙ୍କୁ ଗିରଫ କରାଯାଇଛି। ଅଞ୍ଚଳରେ ଏବେ ମଧ୍ୟ ତିବ୍ର ଜଳାପୋଡ଼ା ରହିଛି ଏବଂ ପୋଲିସ ପରିସ୍ଥିତି ଉପରେ କଡ଼ା ନଜର ରଖିଛି। ଶାନ୍ତିଶୃଙ୍ଖଳା ରକ୍ଷା ପାଇଁ ପ୍ରଶାସନ ପକ୍ଷରୁ ସେହି ଅଞ୍ଚଳରେ ଇଣ୍ଟରନେଟ୍ ସେବାକୁ ସାମୟିକ ଭାବେ ବନ୍ଦ କରିଦିଆଯାଇଛି । ଅନ୍ୟପଟେ, ସ୍ଥାନୀୟ ବାସିନ୍ଦା ଏବଂ ବିନୋଦ କଶ୍ୟପଙ୍କ ପରିବାର ନ୍ୟାୟ ଦାବି କରି ରାସ୍ତା ଅବରୋଧ କରିଥିଲେ ଏବଂ ଅଭିଯୁକ୍ତଙ୍କ ଘରେ “ବୁଲଡୋଜର କାର୍ଯ୍ୟାନୁଷ୍ଠାନ” ଦାବି କରିଛନ୍ତି। ବିନୋଦଙ୍କ ବାପା ତାଙ୍କ କହିଛନ୍ତି ଯେ, ନିଜ ପୁଅର ଅନ୍ତିମ ସଂସ୍କାର ଯେପର୍ଯ୍ୟନ୍ତ ଅଭିଯୁକ୍ତଙ୍କୁ ଏନକାଉଣ୍ଟର କିମ୍ବା କଠୋର କାର୍ଯ୍ୟାନୁଷ୍ଠାନ ନ ହୁଏ, ସେମାନେ ଶବଦାହ କରିବେ ନାହିଁ। ଘଟଣା ପରେ ଅଞ୍ଚଳରେ ତିବ୍ର ତଣାପୋଡ଼ ସୃଷ୍ଟି ହୋଇଛି ଏବଂ ପୋଲିସ ପରିସ୍ଥିତି ନିୟନ୍ତ୍ରଣରେ ରଖିବାକୁ ଚେଷ୍ଟା କରୁଛି।