ସହରାଞ୍ଚଳରେ ନାଗରିକଙ୍କ ଜୀବନ ଓ ସମ୍ପତ୍ତିର ସୁରକ୍ଷା ପାଇଁ ବିପଦପୂର୍ଣ୍ଣ ଓ ଅସୁରକ୍ଷିତ କୋଠା ବିରୋଧରେ କଡ଼ା ପଦକ୍ଷେପ ନେବ ରାଜ୍ୟ ସରକାର। ଏଥିପାଇଁ ୧୫ ଦିନିଆ ଯାଞ୍ଚ ଓ ପରିଦର୍ଶନ ଅଭିଯାନ ଆରମ୍ଭ ହୋଇଛି। ଯାଞ୍ଚକାରୀ ଦଳ ସରକାରୀ ଓ ଘରୋଇ ବିପଦସଙ୍କୁଳ କୋଠାର ଗଠନାତ୍ମକ ସ୍ଥିତି ଯାଞ୍ଚ କରିବେ। ବିପଦପୂର୍ଣ୍ଣ ଭାବେ ଚିହ୍ନଟ ହେଲେ ଆଇନ ଅନୁଯାୟୀ ନୋଟିସ୍ ଏବଂ ଆବଶ୍ୟକ ସ୍ଥଳେ କୋଠା ଭାଙ୍ଗିବା ଭଳି ପଦକ୍ଷେପ ନିଆଯିବ। କଟକ ଓ ପୁରୀ ଭଳି ପୁରୁଣା ସହର ଉପରେ ରହିବ ବିଶେଷ ଫୋକସ୍।
