ହ୍ୱାଇଟ୍ ହାଉସ୍ ନିକଟରେ ହାଇଡ୍ରାମା | ଆମେରିକାର ହ୍ୱାଇଟ୍ ହାଉସ୍ ନିକଟରୁ ଜଣେ ସନ୍ଦିଗ୍ଧ ବ୍ୟକ୍ତିଙ୍କୁ ଗିରଫ କରାଯାଇଛି | ଆମେରିକା ସିକ୍ରେଟ ସର୍ଭିସଙ୍କ ଅନୁସାରେ ତାକୁ ହ୍ୱାଇଟ୍ ହାଉସ୍ ର ପାଖରୁ ଏକ ଗାଡ଼ିରେ ଅନେକ ବନ୍ଧୁକ ସାହିଯାତ ଧରାଯାଇଥିଲା | ସନ୍ଦିଗ୍ଧ ବ୍ୟକ୍ତି ଜଣକ ତାଙ୍କ ମୁଣ୍ଡରେ ଶବ୍ଦ ଶୁଣିବାକୁ ଦାବି କରିଥିଲେ, ଯାହା ତାଙ୍କୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହତ୍ୟା କରିବାକୁ କହିଥିଲେ | ହୋମଲାଣ୍ଡ ସିକ୍ୟୁରିଟିର ଏକ ବୟାନ ଅନୁସାରେ ,ଗତକାଲି ରାତିରେ ସିକ୍ରେଟ୍ ସର୍ଭିସର ଏଜେଣ୍ଟମାନେ ପାର୍କିଂ ହୋଇଥିବା କାରରେ ବସିଥିବା ଜଣେ ବ୍ୟକ୍ତିଙ୍କ ପାଖକୁ ଯିବା ପରେ ଗିରଫ କରାଯାଇଥିଲା ଯାହାର ଆଚରଣ ସନ୍ଦେହଜନକ ମନେ ହେଉଥିଲା |

ଟ୍ରମ୍ପଙ୍କୁ ହତ୍ୟା କରିବାକୁ ଉସୁକାଉଥିଲା ସ୍ୱର

ଆମେରିକା ଅଧିକାରୀଙ୍କ ଅନୁସାରେ, ସନ୍ଦିଗ୍ଧ ବ୍ୟକ୍ତିଙ୍କ ପରିଚୟ ରନି ୟୋର୍ଡ୍ରିକ୍ସ ଗୁଆନିପା ଚିରିନୋସ ବୋଲି ଜଣା ପଡିଛି | ସେ କହିଥିଲେ ଯେ, ତାଙ୍କୁ ନିଜ ମୁଣ୍ଡ ଭିତରେ କିଛି ସ୍ୱର ଶୁଣାଯାଉଥିଲା | ସେହି ସ୍ୱରଗୁଡ଼ିକ ତାଙ୍କୁ ଦେଶର ରାଜଧାନୀକୁ ଯାଇ ରିପବ୍ଲିକାନ୍ ରାଷ୍ଟ୍ରପତିଙ୍କୁ ହତ୍ୟା କରିବାକୁ କହୁଥିଲା |

ଅଧିକାରୀଙ୍କୁ ଜଣାପଡିଥିଲା ଯେ ସନ୍ଦିଗ୍ଧ ଗାଡି ଚୋରି ହେବାର ରିପୋର୍ଟ ଦାଖଲ କରାଯାଇଥିଲା ଏବଂ ତା ପାଖରେ ତିନୋଟି ଭିନ୍ନ -ଭିନ୍ନ ବନ୍ଧୁକ ଓ ଅନେକ ରାଉଣ୍ଡର ଗୁଳି ଥିଲା | ଗତ ବର୍ଷ ଟ୍ରମ୍ପ ପୁଣିଥରେ ରାଷ୍ଟ୍ରପତି ପଦ ଗ୍ରହଣ କରିବା ପରଠାରୁ ତାଙ୍କୁ କିମ୍ବା ତାଙ୍କ ପରିବାରର ସଦସ୍ୟମାନଙ୍କୁ ହତ୍ୟା ଧମକ ଦେଇଥିବା ଲୋକଙ୍କ ବିରୋଧରେ ସିକ୍ରେଟ୍ ସର୍ଭିସ୍ ଏବଂ ଅନ୍ୟାନ୍ୟ ଆଇନ ପ୍ରବର୍ତ୍ତନକାରୀ ସଂସ୍ଥାଗୁଡ଼ିକ ପକ୍ଷରୁ କରାଯାଇଥିବା ଗିରଫଦାରୀ ଶୃଙ୍ଖଳାରେ ଏହା ହେଉଛି ସଦ୍ୟତମ ଘଟଣା।

ଭେନେଜୁଏଲାର ଜଣେ ବ୍ୟକ୍ତି ଆମେରିକାରେ ବେଆଇନ ଭାବେ ରହୁଥିଲେ

ରିପୋର୍ଟ ଅନୁସାରେ କ୍ରିନୋସକୁ ଭେନେଜୁଏଲାର ପ୍ରବାସୀ କୁହାଯାଉଥିଲା | ଯିଏ ମାର୍ଚ୍ଚ ୨୦୨୪ର ଟେକ୍ସାସର ରାସ୍ତାରେ ଆମେରିକାରେ ଦାଖଲ ହୋଇଥିଲେ ଏବଂ ଏଠାରେ ସେ ବେଆଇନ ଭାବେ ରହୁଥିଲେ | DHS ଜଣାଇଛନ୍ତି ଯେ ତାଙ୍କ ବିରୋଧରେ ଅଭିଯୋଗ ଦାୟର କରାଯାଇଛି ଏବଂ ସେ ବର୍ତ୍ତମାନ US ମାର୍ଶାଲ୍ସ ସର୍ଭିସ୍‌ର ହେପାଜତରେ ଅଛନ୍ତି | ବର୍ତ୍ତମାନ ହ୍ୱାଇଟ୍ ହାଉସରେ ଏହି ମାମଲାରେ କୌଣସି ଟିପଣୀ ରଖିନାହାନ୍ତି | ହୋମଲ୍ୟାଣ୍ଡ ସିକ୍ୟୁରିଟି ସେକ୍ରେଟ୍ରି ମାର୍କୱେନ୍ ମୁଲିନ୍ ନିଜ ବୟାନରେ କହିଛନ୍ତି ," ଆମର ସାହସୀ ସିକ୍ରେଟ୍ ସର୍ଭିସ୍ ଅଧିକାରୀମାନଙ୍କ ଯୋଗୁଁ ହ୍ୱାଇଟ୍ ହାଉସ୍ ନିକଟରେ ଜଣେ ବେଆଇନ ଭାବେ ଆମେରିକାରେ ରହୁଥିବା ବ୍ୟକ୍ତିଙ୍କୁ ଗିରଫ କରାଯାଇଛି | ତାଙ୍କ ଗାଡ଼ିରୁ ତିନୋଟି ଅସ୍ତ୍ର ଜବତ କରାଯାଇଛି | ସେ କାହାରି କ୍ଷତି କରିବା ପୂର୍ବରୁ ହିଁ ତାଙ୍କୁ ଧରି ନିଆଯାଇଛି।”

Explore Naxatra

Quick Links

##Trump

Voices Told Him to Kill Trump : ଟ୍ରମ୍ପଙ୍କୁ ହତ୍ୟା ଧମକ! ଶୁଭୁଥିଲା ଅଜଣା ସ୍ୱର