ମରକ୍କୋକୁ ୨-୦ରେ ହରାଇ ଫିଫା ବିଶ୍ୱକପ୍ ସେମିଫାଇନାଲରେ ଫ୍ରାନ୍ସ

ଫିଫା ବିଶ୍ୱକପରେ ମରକ୍କୋକୁ ହରାଇ ସେମିଫାଇନାଲରେ ଫ୍ରାନ୍ସ । କିଲିଆନ୍ ଏମ୍ବାପେ ଓ ଓସମାନ୍ ଡେମ୍ବେଲେଙ୍କ ଗୋଲ୍ ବଳରେ ଫ୍ରାନ୍ସ ୨୦୨୬ ଫିଫା ବିଶ୍ୱକପ୍ କ୍ୱାର୍ଟର ଫାଇନାଲରେ ମରକ୍କୋକୁ ୨-୦ ଗୋଲ୍‌ରେ ପରାସ୍ତ କରି ସେମିଫାଇନାଲରେ ପ୍ରବେଶ କରିଛି। ଏହି ବିଜୟ ସହ ଦିଦିଏର ଦେଶାଁଙ୍କ ଦଳ କ୍ରମାଗତ ତୃତୀୟ ଥର ପାଇଁ ବିଶ୍ୱକପ୍ ସେମିଫାଇନାଲରେ ପହଞ୍ଚି ଟ୍ରଫି ଜିତିବା ଆଶାକୁ ଆହୁରି ଦୃଢ଼ କରିଛି। ମ୍ୟାଚ୍‌ର ପ୍ରାରମ୍ଭିକ ପର୍ଯ୍ୟାୟରେ ଫ୍ରାନ୍ସ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲେ ମଧ୍ୟ ୨୮ତମ ମିନିଟ୍‌ରେ ମିଳିଥିବା ପେନାଲ୍ଟିକୁ ଅଧିନାୟକ କିଲିଆନ୍ ଏମ୍ବାପେ ଗୋଲ୍‌ରେ ପରିଣତ କରିପାରିନଥିଲେ। ମରକ୍କୋର ଗୋଲକିପର୍ ୟାସିନ୍ ବୁନୁ ଚମତ୍କାର ସେଭ୍ କରି ଦଳକୁ ଗୋଲ୍ ଖାଇବାରୁ ରକ୍ଷା କରିଥିଲେ। ପ୍ରଥମାର୍ଧ ଗୋଲ୍‌ଶୂନ୍ୟ ଭାବେ ଶେଷ ହୋଇଥିଲା। ଯାହା କିଛି ସମୟ ପାଇଁ ଫ୍ରାନ୍ସ ସମର୍ଥକଙ୍କୁ ନିରାଶ କରିଥିଲା।

ବିରତି ପରେ ଫ୍ରାନ୍ସ ଆକ୍ରମଣର ଗତି ବଢ଼ାଇଥିଲା। କିନ୍ତୁ ଏହି ଭୁଲ୍ କୁ ସୁଧାରି ସେ ଦ୍ୱିତୀୟ ସୁଯୋଗରେ ଏକ ଚିତ୍ତାକର୍ଷକ ଓ ବ୍ରିଲିଆଣ୍ଟ କର୍ଲିଂ ଷ୍ଟ୍ରାଇକ୍ ଜରିଆରେ ଗୋଲ୍ ପୋଷ୍ଟ ଭିତରକୁ ବଲ୍ ପଠାଇଥିଲେ । ୬୦ତମ ମିନିଟ୍‌ରେ ଏମ୍ବାପେ ବକ୍ସ ବାହାରରୁ ଏକ ଦର୍ଶନୀୟ କର୍ଲିଂ ଶଟ୍‌ ମାରି ବଲ୍‌କୁ ଜାଲରେ ପଠାଇ ଫ୍ରାନ୍ସକୁ ୧-୦ରେ ଆଗୁଆ କରିଥିଲେ। ଏହା ଚଳିତ ବିଶ୍ୱକପ୍‌ରେ ତାଙ୍କର ଅଷ୍ଟମ ଗୋଲ୍ ହୋଇଥିବାବେଳେ ବିଶ୍ୱକପ୍ ଇତିହାସରେ ନିଜର ୨୦ତମ ଗୋଲ୍ ସମ୍ପୂର୍ଣ୍ଣ କରି ଏକ ନୂଆ ମାଇଲଖୁଣ୍ଟ ସ୍ଥାପନ କରିଛନ୍ତି । ଗୋଲ୍‌ର ମାତ୍ର ୬ ମିନିଟ୍ ପରେ ଏମ୍ବାପେଙ୍କ ପାସ୍‌କୁ ସଠିକ୍ ଭାବେ ବ୍ୟବହାର କରି ଓସମାନ୍ ଡେମ୍ବେଲେ ଦ୍ୱିତୀୟ ଗୋଲ୍ ସ୍କୋର୍ କରି କରି ଫ୍ରାନ୍ସର ବିଜୟକୁ ପ୍ରାୟ ସୁନିଶ୍ଚିତ କରିଦେଇଥିଲେ। ଏହି ଗୋଲ୍ ବଳରେ ଫ୍ରାନ୍ସ ମରକ୍କୋ ଉପରେ ୨-୦ ର ଅପ୍ରତିଦ୍ୱନ୍ଦ୍ୱୀ ଅଗ୍ରଣୀ ହାସଲ କରିଥିଲା । ମରକ୍କୋ ଶେଷ ପର୍ଯ୍ୟନ୍ତ ସଂଘର୍ଷ କରିଥିଲେ ମଧ୍ୟ ଫ୍ରାନ୍ସର ସୁଦୃଢ଼ ରକ୍ଷଣଭାଗକୁ ଭେଦ କରିବାରେ ବିଫଳ ହୋଇଥିଲା।  ଫଳରେ ଫ୍ରାନ୍ସ ୨-୦ରେ ବିଜୟୀ ହୋଇ ସେମିଫାଇନାଲରେ ପ୍ରବେଶ କରିଛି। ସେମିଫାଇନାଲରେ ଫ୍ରାନ୍ସ ସ୍ପେନ୍ ଓ ବେଲଜିୟମ୍ ମଧ୍ୟରୁ ବିଜୟୀ ଦଳକୁ ଭେଟିବ। ଏହି ବିଜୟ ସହ ଫ୍ରାନ୍ସ ୨୦୨୬ ଫିଫା ବିଶ୍ୱକପ୍ ଅଭିଯାନ କ୍ୱାର୍ଟର ସେମିଫାଇନାଲରେ ପ୍ରବେଶ କରିଛି। ସେଠାରେ ସ୍ପେନ୍ ଓ ବେଲଜିୟମ୍ ମଧ୍ୟରୁ ବିଜୟୀ ଦଳକୁ ଫ୍ରାନ୍ସ ମୁକାବିଲା କରିବ। ଅନ୍ୟପଟେ ମରକ୍କୋର ବିଶ୍ୱକପ୍ ଅଭିଯାନ କ୍ୱାର୍ଟର ଫାଇନାଲରେ ଶେଷ ହୋଇଛି।