କୋଶଳା ଜଙ୍ଗଲରୁ ବ୍ରାଉନ୍ ସୁଗାର ଜବତ, ୫ଗିରଫ

ଅନୁଗୁଳ: ବିପୁଳ ପରିମାଣର ବ୍ରାଉନ୍ ସୁଗାର ଜବତ, ୫ଗିରଫ । ଛେଣ୍ଡିପଦା ଥାନା ଅନ୍ତର୍ଗତ କୋଶଳା ଚନ୍ଦନନଗର ଜଙ୍ଗଲ ନିକଟରେ ବ୍ରାଉନ୍ ସୁଗାର କାରବାର ଚାଲୁଥିବା ବେଳେ ପୋଲିସ ଚଢାଉ କରି ଏକ ବଡ଼ ରାକେଟ୍ ଫାସ କରିଛି। ଏହି ଘଟଣାରେ ମୋଟ ୫ ଜଣଙ୍କୁ ଗିରଫ କରାଯାଇଛି, ଯାହାମଧ୍ୟରେ ମାଷ୍ଟରମାଇଣ୍ଡ ମଧ୍ୟ ଥିବା ସୂଚନା ମିଳିଛି।  ବିଶ୍ୱସ୍ତ ସୂତ୍ରରୁ ଖବର ପାଇ ଅନୁଗୋଳ ଜିଲ୍ଲା ସ୍ପେଶାଲ ସ୍କାର୍ଡ ଓ ଛେଣ୍ଡିପଦା ପୋଲିସ ମିଳିତ ଭାବେ ଆଜି କୋଶଳା ଚନ୍ଦନନଗର ନିକଟସ୍ଥ ଜଙ୍ଗଲରେ ମିଳିତ ଭାବେ ଅଚାନକ ଚଢାଉ କରିଥିଲା। ଘଟଣାସ୍ଥଳରୁ ପୋଲିସ କୋଶଳା ଗାଈଖାଇସାହିର ପପୁନ ସାହୁ ଓ କଂଶନାଳି ଗ୍ରାମର ସନ୍ଦୀପ ପ୍ରଧାନଙ୍କ ଅଟକ ରଖାଯାଇଥିଲା। ତଲାଶି ସମୟରେ ସେମାନଙ୍କ ନିକଟରୁ ୧୧ ଗ୍ରାମ ୮ ମିଲିଗ୍ରାମ ବ୍ରାଉନ୍ ସୁଗାର, ୧୫,୩୭୦ ଟଙ୍କା ନଗଦ ଓ ଏକ ବୁଲେଟ୍ ମୋଟରସାଇକେଲ ଜବତ କରାଯାଇଛି। ପରେ ସେମାନଙ୍କ ବୟାନ ଆଧାରରେ ଅନୁଗୁଳ ରାଜକିଶୋରପଡ଼ାର ଦୀପକ ପ୍ରଧାନ, ଅମଲାପଡ଼ାର କୁରେଶା ବିବି ଓ କାଜଲ ପରବିନଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତମାନଙ୍କ ମଧ୍ୟରେ ୨ ଜଣ ମହିଳା ଓ ୩ ଜଣ ପୁରୁଷ ଅଛନ୍ତି। ପୋଲିସ ଏହି ଘଟଣାରେ ଛେଣ୍ଡିପଦା ଥାନା କେସ ନମ୍ବର ୨୯୧/୨୬ ରୁଜୁ କରି ଆଗାମୀ ତଦନ୍ତ ଜାରି ରଖିଛି। ଏହି ରାକେଟ୍ ପଛରେ ଆଉ କିଏ କିଏ ଜଡିତ ଅଛନ୍ତି, ସେନେଇ ପୋଲିସ ଅଧିକ ତଦନ୍ତ କରୁଛି।