accident

କଳାହାଣ୍ଡି: ବିଜୁ ଏକ୍ସପ୍ରେସ ଓ୍ଵେ  ଧର୍ମଗଡ଼ ଥାନା ଗଡିଆଯୋର ନିକଟରେ ଦୁଇ ବାଇକ ମୁହାଁମୁହିଁ ଧକ୍କା।  ଜଣକ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ଧକ୍କା ଦେଇଥିବା ବାଇକ ଘଟଣା ସ୍ଥଳରୁ  ଫେରାର ରହିଛି।  

ସୁଚନା ଅନୁଯାୟୀ ଧର୍ମଗଡ଼ ବ୍ଳକ ତେଣ୍ଡାପାଲି ପଞ୍ଚାୟତ ସାନକେନ୍ଦୁଗୁଡା ଗ୍ରାମର ସୁକଦାସ ତାଣ୍ଡି ଓ ତାଙ୍କ ଜ୍ବାଇଁ ଗଣେଷ ଛତ୍ରିଆ ଏକ ବାଇକ ଯୋଗେ ଧର୍ମଗଡ଼ ପଟୁ ନିଜ ଗାଁ କୁ ଫେରୁଥିବା ସମୟରେ ଗଡିଆଯୋର ଠାରେ ଅନ୍ୟ ଏକ ବାଇକ ତାଙ୍କୁ ଧକ୍କା ଦେଇଥିଲା। ଧକ୍କା ଫଳରେ ସୁକଦାସ ଏବଂ ଗଣେଶ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲେ। ମୁଣ୍ଡରେ ଗଭୀର ଆଘାତ ଲାଗିଥିବାରୁ ଘଟଣାସ୍ଥଳରେ ହିଁ ସୁକଦାସଙ୍କ ମୃତ୍ୟୁ ହୋଇଥିବା ବେଳେ ଗଣେଶଙ୍କ ଅବସ୍ଥା ଗୁରୁତର ରହିଛି। ଗଣେଷଙ୍କୁ ଆମ୍ଵୁଲାନ୍ସ ଯୋଗେ ପ୍ରଥମେ ଧର୍ମଗଡ଼ ଉପଖଣ୍ଡ ପରେ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଦୁର୍ଘଟଣା ପରେ ଅନ୍ୟ ବାଇକ ଚାଳକ ଫେରାର ମାରିଛି । ଅନ୍ୟପଖେ ପୋଲିସ ଘଟଣା ସ୍ଥଳରେ ପହିଞ୍ଚି ଘଟଣାର ଛାନଭିନ ଆରମ୍ଭ କରିଛି ।

ମୟୁରଭଞ୍ଜ: ପିକ୍ଅପ୍ ଭ୍ୟାନ୍ ଦୁର୍ଘଟଣାରେ 4 ଗୁରୁତର । ଦୁର୍ଘଟଣାଟି ଘଟିଛି ମୟୁରଭଞ୍ଜ ଜିଲ୍ଲା 49 ନମ୍ୱର ଜାତୀୟରାଜପଥ ନିକଟ ଅଙ୍ଗରପଦା ଠାରେ  । ଭ୍ୟାନଟି ଦ୍ରୁତ ଗତିରେ ଆସି ଗଛ ପରେ ଡିଭାଇଡର ରେ ପିଟି ହୋଇଥିଲା । ଯେଉଁଥିରେ 4 ଜଣ ଆହତ ହୋଇଥିଲେ । ସେମାନଙ୍କ ମଧ୍ୟରୁ 2 ଜଣଙ୍କ ଅବସ୍ଥା ସଂଙ୍କଟାପର୍ଣ୍ଣ ଅଛି । ଆହତ ମାନଙ୍କୁ ଡାକ୍ତରଖାନାରେ ଭର୍ତ୍ତି କରି ଚିକିତ୍ସା ଆରମ୍ଭ ହୋଇଛି ।

ସୂଚନା ଅନୁଯାୟୀ ଶୁକ୍ରବାର 6 ଶ୍ରମିକ କୂଅ ଖନନ ପାଇଁ କେଉଁଝରରୁ ଯଶୀପୁର ଅଭିମୁଖେ ଯାଉଥିଲେ । କିନ୍ତୁ ଗାଡିଟି ଅଙ୍ଗରପଡା ନିକଟରେ ଭାରସ୍ୟାମ ହରାଇ ଗଛରେ ପିଟିହୋଇ ପରେ ଡିଭାଇଟରରେ ମାଡ ହୋଇଥିଲା । ଯେଉଁଥିରେ ଦୁଇଜଣଙ୍କର ସୁରକ୍ଷିତ ଅଛନ୍ତି ଓ ଅନ୍ୟ ଚାରିଜଣ ଆହତ ହୋଇଛନ୍ତି। ଆହତ ଶ୍ରମିକ ମାନଙ୍କୁ ଯଶିପୁର ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବାବେଳେ ଆହତ ସମସ୍ତେ ଢେଙ୍କାନାଳର ବୋଲି ଜଣାପଡିଛି ।  ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ବାଲେଶ୍ୱର: ବସତେଳେ ଚାପିହୋଇ ମହିଳା ମୃତ । ସ୍ୱାମୀ ଆଗରେ ଚାଲିଗଲା ସ୍ତ୍ରୀର ଜୀବନ । ସୂଚନା ମୁତାବକ ମହିଳା ଜଣକ 15 ଦିନ ହେବ ନିଜ ଭଉଣୀ ଘରକୁ ବୁଲିବାକୁ ଯାଇଥିଲେ । ଆଜି ବସରେ ଫେରୁଥିବା ବେଳେ ଘଟିଥିଲା  ଅଘଟଣ । ଏପଟେ ସ୍ତ୍ରୀର ଫେରିବା ବାଟକୁ ବସଷ୍ଟାଣ୍ଡରେ ଅପକ୍ଷା କରିଥିଲା ସ୍ୱାମୀ । ଘରେ ମଧ୍ୟ ମା ର ବାଟଚାହିଁ ବସିଥିଲେ ପୁଅ ଝିଅ । କିନ୍ତୁ ସମସ୍ତଙ୍କ ଆଶା କିଛି ସମୟରେ ମାଟିରେ ମିଶିଗଲା । ଚାହୁଁ ଚାହୁଁ ଚାଲିଗଲା ଜୀବନ ।

ଏଭଳି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ରେମୁଣା ନିକଟ ଗୋଲେଇ ଛକରେ । ମୃତକ ହେଲେ ସୁକାନ୍ତି ବେହେରା ତାଙ୍କ ଘର ରେମୁଣାର ଖୁଲାସିଗଞ୍ଜରେ ବୋଲି ପ୍ରାଥମିକ ତଦନ୍ତରୁ ଜଣାପଡିଛି ।

ତେବେ ସୁକାନ୍ତି ନିଜ ଭଉଣୀ ଘର ବାଦାମପାହଡକୁ  15 ଦିନ ତଳେ ଯାଇଥିଲେ ଏବଂ ଆଜି ସକାଳେ ନିଜ ପୁତୁରାର ବସରେ ଫେରୁଥିଲେ । ସେ ରେମୁଣାର ଗୋଲେଇ ଛକ ନିକଟରେ ଓଲ୍ଳାଇ ନିଜ ସ୍ୱାମୀଙ୍କ ପାଖକୁ ଆସୁଥିବବେଳେ ସୁକାନ୍ତି ଆସିଥିବା ବସଟି ତାଙ୍କ ଉପରେ ଚଢି ଯାଇଥିଲା ।

ସେଠାରେ ସଙ୍ଗେ ସଙ୍ଗେ ସୁକାନ୍ତିଙ୍କୁ ଡାକ୍ତରଖାନାକୁ ନିଆଯାଇଥିଲା ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାକୁ ନେଇ ସ୍ଥନୀୟ ଅଞ୍ଚଳରେ ଉତ୍ତେଜନା ଦେଖାଯାଇଥିଲା ।  ପୋଲିସ ସେଠାରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାବୁଝି କରଥିଲା ଏବଂ ଘଟଣାର ତଦନ୍ତ ଆରମ୍ଭ କରିଥିଲା । ସୁକାନ୍ତିଙ୍କ ମୃତ୍ୟୁ ପରେ ତାଙ୍କ ପରିବାରରେ ଶୋକର ଛାୟା ଖେଳିଯାଇଛି ।  

ରାଉଲକେଲା: ଭ୍ୟାନକୁ ଧକ୍କା ଦେଲା ଅଡଣା ଗାଡି । ଦୁର୍ଘଟଣାରେ 6 କର୍ମଚାରୀ ଆହତ । ଏପରି ଘଟଣା ଦେଖିବାକୁ ମିଳିଛି ରାଉଲକେଲା ର ଆଇଟିଆର ବାଇପାସ୍ ରାସ୍ତାରେ । ଆହତ ତିନି ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ରାଉଲକେଲାକୁ ପଠେଇଥିବାବେଳେ ଅନ୍ୟ ତିନି ଜଣଙ୍କୁ କୋଇଡା ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଏପର୍ଯ୍ୟନ୍ତ ଆହାତ ମାନଙ୍କର ପରିଚୟ ଅସ୍ପଷ୍ଟ ରହିଛି ।

ବୁଧବାର ସକାଳ ସମୟରେ 7ଜଣ କର୍ମଚାରୀ ଭ୍ୟାନ ଯୋଗେ କମ୍ପାନୀକୁ କାମ କରିବାକୁ ଯାଉଥିଲେ । କିନ୍ତୁ  ଆଇଟିଆର ଛକ ପାଖରେ ଅଜଣା ଗାଡିର ଧକ୍କାରେ ସେମନେଙ୍କ ଭ୍ୟାନଟି ଓଲଟି ଯାଇଥିଲା । ଦୁର୍ଘଟଣାରେ 6 ଜଣ କର୍ମଚାରୀ ଆହତ ହୋଇଥିବା ବେଳେ ଜଣଙ୍କର କିଛି ହୋଇନଥିଲା । ଘଟଣା ସ୍ଥଳରେ ପୋଲିସ ପହଞ୍ଚି ଗାଡିକୁ ଜବତ କରିବା ସହ ସ୍ଥାନୀୟ ଲୋକଙ୍କ ସାହାଯ୍ୟରେ ଆହାତ କର୍ମଚାରୀ ମାନଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲା ।

ଏ ବିଷୟରେ ପୋଲିସ ଥାନାରେ ଏକ ମାମଲା ରୁଜୁକରି ଘଟଣାର ତଦନ୍ତ ଆରମ୍ଭ କରିଛି ।

ମାଲକାନାଗିରି: ଭାରସାମ୍ୟ ହରାଇ ଗଛରେ ପିଟିହେଲା ପିକ୍ଅପ୍ ଭ୍ୟାନ । ଘଟଣା ସ୍ଥଳରେ ଡ୍ରାଇଭର ମୃତ୍ୟୁ । ଏପରି ମର୍ମନ୍ତୁଦ ସଡକ ଦୁର୍ଘଟଣା ଦେଖିବାକୁ ମିଳିଛି ମାଲକାନାଗିରି ଜିଲ୍ଲା ନାୟକଗୁଡା ନିକଟରେ । ଗାଡିଟି ଦୁର୍ଘଟଣାରେ ସଂପୂର୍ଣ୍ଣ ଭାଙ୍ଗି ଯାଇଥିବାବେଳେ ଗାଡିରୁ ଡ୍ରାଇଭରଙ୍କ ମୃତଦେହ ଉଦ୍ଧାର ଚାଲିଛି ।

ସୂଚନା ଅନୁଯାୟୀ, ପିକ୍ଅପ୍ ଭ୍ୟାନଟି ମାଲକାନାଗିରି ରୁ ଜୟପୁର ଅଭିମୁଖେ ଯାତ୍ରା କରୁଥଲା । ଗାଡିଟି ଦ୍ରୁତଗତିରେ ଥିବାରୁ ଭାରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲା । ଏବଂ ଭାଙ୍ଗି ଚୁରମାର ହୋଇଯାଇଥିଲା ।  ଘଟଣା ବିଷୟରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ ଏବଂ ଡ୍ରାଇଭରକୁ ଉଦ୍ଧାର କରିବାକୁ ଚେଷ୍ଟା କରିଥିଲେ ହେଁ କୌଣସି ସଫଳତା ମିଳିନଥିଲା । ଶେଷରେ ପୋଲିସ ସେଠାରେ ପହଞ୍ଚି ଉଦ୍ଧାର କାର୍ଯ୍ୟକୁ ଜାରିରଖିଛି । ସୂଚନାଯୋଗ୍ୟ ଡ୍ରାଇଭରଙ୍କୁ ଗାଡିରୁ ବାହାର କରିବା ପାଇଁ କଟର ମେସିନର ବ୍ୟବହାର କରାଯାଉଛି ।

ଗାଡିଟି ଦୁର୍ଘଟଣାଗ୍ରସ୍ଥ କାହିଁକି ହେଲା । ଡ୍ରାଇଭର ନିଶାସକ୍ତ ଥିଲେ କି ଅବା ଗାଡିର ବ୍ରେକଫେଲ ହୋଇଥିଲା । ଏହା ପୋଷ୍ଟମୋର୍ଟମ ହେବାପରେ ଜଣାପଡିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।  

 ଯାଜପୁର: ଯାଜପୁରରେ ୧୬ ନମ୍ୱର ଜାତୀୟ ରାଜପଥରେ ବଡି ସକାଳୁ ଘଟିଛି ବଡ଼ ଦୁର୍ଘଟଣା। ଧର୍ମଶାଳା ଥାନା ନେଉଳପୁର ରେଲୱେ ଓଭରବ୍ରିଜ୍ ନିକଟରେ ଘଟିଥିବା ମର୍ମନ୍ତୁଦ ଦୁର୍ଘଟଣାରେ ୭ ଜଣଙ୍କ ଜୀବନ ଚାଲିଯାଇଛି। ସମସ୍ତ ମୃତକ ପଶ୍ଚିମବଙ୍ଗର। ମୃତକଙ୍କ ବିୟୋଗରେ ମୁଖ୍ୟମନ୍ତ୍ରୀ ଗଭୀର ଶୋକବ୍ୟକ୍ତ କରିଛନ୍ତି।

 ଅତ୍ୟନ୍ତ ହୃଦୟ ବିଦାରକ ଘଟଣା । ମର୍ମନ୍ତୁଦ ସଡ଼କ ଦୁର୍ଘଟଣାରେ ଏକାବେଳକେ ଚାଲିଗଲା ୭ ଜଣଙ୍କର ଜୀବନ । ସମସ୍ତ ମୃତକ ପଶ୍ଚିମବଙ୍ଗର। ପଶ୍ଚିମବଙ୍ଗରୁ କଟକ ଅଭିମୁଖେ କୁକୁଡ଼ା କିଣିବାକୁ ଯାଉଥିଲା ବେଳେ ବାଟରେ ଯେମିତି ଅପେକ୍ଷା କରିଥିଲା ମୃତ୍ୟୁ। ୧୬ ନମ୍ୱର ଜାତୀୟ ରାଜପଥର ନେଉଳପୁର ରେଲୱେ ଓଭରବ୍ରିଜ୍ ନିକଟରେ ଛିଡ଼ା ହୋଇଥିଲା ଦୁଇ ଦିନ ପୂର୍ବର ଏକ ଦୁର୍ଘଟଣାଗ୍ରସ୍ତ ଟ୍ରକ। ଆଉ ଏହି ଟ୍ରକକୁ ପଛପଟୁ ପିଟିଥିଲା ଏମାନଙ୍କୁ ନେଇ ଆସୁଥିବା ଆଇଚର ଗାଡ଼ି।

ଦୁର୍ଘଟଣା ସମ୍ପର୍କରେ ଖବରପାଇ ଧର୍ମଶାଳା ପୋଲିସ୍ ଓ ଚଣ୍ଡିଖୋଲ ଅଗ୍ନିଶମ ବାହିନୀ ତୁରନ୍ତ ଘଟଣା ସ୍ଥଳରେ ପହଞ୍ଚିଥିଲେ । ସମସ୍ତଙ୍କୁ ଉଦ୍ଧାର କରି ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଟ୍ରକରେ ଥିବା ୭ଜଣଙ୍କ ମଧ୍ୟରୁ ୬ ଜଣଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ କଟକ ମେଡିକାଲକୁ ସ୍ଥାନାନ୍ତର କରାଯାଇଥିଲା । ତେବେ ତାଙ୍କର ମଧ୍ୟ ସେଠାରେ ମୃତ୍ୟୁ ଘଟିଥିଲା । ତେବେ ଦୁର୍ଘଟଣାଗ୍ରସ୍ତ ଟ୍ରକ ଦୁଇଟି ରାସ୍ତାରେ ପଡିରହିଥିବା କାରଣରୁ ଏହି ଦୁର୍ଘଟଣା ଘଟିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଏଥିପାଇଁ ଏନଏଚଆଇ କର୍ତ୍ତୃପକ୍ଷ, ସଡକ ପରିବହନ ଓ ପ୍ରଶାସନକୁ ଦାୟୀ କରିଛନ୍ତି ସ୍ଥାନୀୟ ଲୋକ । ସେପଟେ ପଶ୍ଚିମବଙ୍ଗର ଏହି ମୃତ ବ୍ୟକ୍ତି ମାନଙ୍କୁ ଚିହ୍ନଟ କରିବା ପରେ ପୋଲିସ୍ ସେମାନଙ୍କ ପରିବାର ଲୋକଙ୍କୁ ଖବର ଦେଇଥିଲା । ବଡଚଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚିବା ପରେ ବନ୍ଧୁପରିଜନଙ୍କୁ ହରାଇ ପରିବାର ଲୋକେ ଦୁଃଖରେ ମ୍ରିୟମାଣ ହୋଇଉଠିଛନ୍ତି ।

ଏଭଳି ମର୍ମନ୍ତୁଦ ଦୁର୍ଘଟଣାରେ ମୁଖ୍ୟମନ୍ତ୍ରୀ ଗଭୀର ଶୋକବ୍ୟକ୍ତ କରିଛନ୍ତି। ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ। ଦୁଇ ଦିନ ତଳେ ଦୁର୍ଘଟଣାଗ୍ରସ୍ତ ଟ୍ରକ ଦୁଇଟିକୁ ରାସ୍ତାରୁ ହଟାଇ ଦିଆଯାଇଥିଲେ ହୁଏତ ଏଭଳି ଅଘଟଣ ଘଟିନଥାଆନ୍ତା ବୋଲି ଅନେକ ଭାବୁଛନ୍ତି। କାହାର ଅବହେଳା ଲାଗି ୭ଜଣଙ୍କ ଜୀବନ ଚାଲିଗଲା, ତାକୁ ନେଇ ତଦନ୍ତ ଚାଲିଛି।

ହିମାଂଶୁ କୁମାର ପାଢ଼ୀଙ୍କ ରିପୋର୍ଟ

ନାସିକ: ମହାରାଷ୍ଟ୍ରର ପୁଣେ ନାସିକ ଜାତୀୟ ରାଜପଥରେ ସୋମବାର ବିଳମ୍ବିତ ରାତିରେ ୫ ମହିଳାଙ୍କ ମୃତ୍ୟୁ, ୧୨ ଗୁରୁତର ଆହତ।  ବିଳମ୍ବିତ ରାତିରେ ପୁଣେଠାରୁ ପ୍ରାୟ ୫୦ କିଲୋମିଟର ଦୂରବର୍ତ୍ତୀ ଶିରୋଲି ଗାଁ ନିକଟରେ ଏକ ଏସୟୁଭି କାର ମହିଳାଙ୍କ ଉପରେ ମାଡିଯିବାରୁ ଏପରି ଅଘଟଣ ଘଟିଛି। ଆହତଙ୍କ ଚିକିତ୍ସା ଜାରି ରହିଛି। କାର ମାଡିଯିବାରୁ ୨ ଜଣ ମହିଳାଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ୩ ଜଣଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି। ଘଟଣା ଘଟାଇ ଅଜ୍ଞାତ କାର ଚାଳକ ଫେରାର ଅଛି। ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇ ତଦନ୍ତ ଜାରି ରଖିଛି।

ସୂଚନା ମୁତାବକ, ସମସ୍ତ ମହିଳା ରୋଷେୟା ଭାବେ କାମ କରୁଥିଲେ। ସୋମବାର ରାତି ପ୍ରାୟ ୧୧ଟାରେ କାମ ସାରି ଘରକୁ ଫେରୁଥିଲେ। ବସରୁ ଖରପୁଡି ଫାଟାରେ ଓହ୍ଲାଇଥିଲେ। ଏହି ସମୟରେ ଏକ ଏସୟୁଭି ଦ୍ରୁତ ବେଗରେ ଆସି ମହିଳାଙ୍କୁ ଧକ୍କା ଦେଇଥିଲା।

କନ୍ଧମାଳ: ବାଇକ ସହ ସ୍କୁଟି ମୁହାଁମୁହିଁ ଧକ୍କା। ଘଟଣାରେ ୨ଜଣ ମହିଳାଙ୍କ ମୃତ୍ୟୁ। କନ୍ଧମାଳ ଜିଲ୍ଲା ବାଲିଗୁଡା ନିଲୁଙ୍ଗିଆ ଗାଁରେ ଅଭାବନୀୟ ଘଟଣା। ଜଣେ ଶିକ୍ଷୟତ୍ରୀ ଓ ଜଣେ ମହିଳା କ୍ଲର୍କ ସ୍କୁଲକୁ ଯାଉଥିବା ବେଳେ ସାମ୍ନା ପଟୁ ଜୋରରେ ଧକ୍କା ଦେଇଥିଲା ବାଇକ। ତେବେ ଆହତମାନଙ୍କୁ ସ୍ଥାନୀୟ ସରକାରୀ ଡ଼ାକ୍ତରଖାନାରେ ଭର୍ତି କରାଯାଇଥିଲା। ତେବେ ଉଭୟଙ୍କ ଚିକିତ୍ସା ସମୟରେ ମୃତ୍ୟୁ ହୋଇଥିବା ଜଣାପଡିଛି। ତେବେ ବାଇକ ଚାଳକ ସାମାନ୍ୟ ଆହତ ଥିବା ଜଣାପଡିଛି। ଦୁର୍ଘଟଣାରେ ମୃତ ମହିଳାମାନେ ଲିଙ୍ଗାଗଡ କନ୍ୟାଶ୍ରମ ସ୍କୁଲର ଶିକ୍ଷୟତ୍ରୀ ପ୍ରଦିପ୍ତା ସାହୁ, ଅନ୍ୟଜଣେ ସ୍ଥାନୀୟ ମାଲିକାପଡ଼ି ପଞ୍ଚାୟତ କୁପାଗୁଡ଼ା ଗାଁର ବିମଳା ପ୍ରଧାନ। ସ୍ଥାନୀୟ ପୋଲିସ ପହଞ୍ଚି ଗାଡିକୁ ଜବତ କରବା ସହ ମୃତଙ୍କ ଶବ ବ୍ୟବଚ୍ଛେଦ ପାଇଁ ପଠାଇଛନ୍ତି। ଏନେଇ ପୋଲିସ ତଦନ୍ତ କରୁଛି।  

ଭୁବନେଶ୍ୱର: ଭୁବନେଶ୍ୱର କଳ୍ପନା ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା। ଦୁର୍ଘଟଣାରେ ଜଣେ ମୃତ, ଦୁଇ ଜଣ ଗୁରୁତର। ଗୁରୁତରମାନଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣା ପରେ ଘଟଣା ସ୍ଥଳରେ ଉତ୍ତେଜନା ଦେଖିବାକୁ ମିଳିଥିଲା। ତେବେ ପୋଲିସ ସେଠାକାର ସ୍ଥାନୀୟ ଲୋକଙ୍କୁ ବୁଝାସୁଝା କରି ଉତ୍ତେଜନାକୁ ଆୟତ୍ତକୁ ଆଣିଥିଲା। ସୂଚନା ଅନଯାୟୀ, ରାଜମହଲ ଛକ ପଟୁ କଳ୍ପନା ଆଡ଼କୁ ଦ୍ରୁତ ଗତିରେ ଆସୁଥିବା ଏକ ଗ୍ରାଣ୍ଡ ଆଇଟେନ ଗାଡି ରାସ୍ତା କଡ଼ରେ ବିକ୍ରି କରୁଥିବା ଏକ କଦଳୀ ଦୋକାନୀକୁ ଧକ୍କା ଦେଇଥିଲା। ଘଟଣା ସ୍ଥଳରେ ହିଁ କଦଳୀ ଦୋକାନୀର ମୃତ୍ୟୁ ହୋଇଥିବା ଜଣାପଡିଛି। ଏନେଇ ପୋଲିସ ତଦନ୍ତ ଜାରି ରଖିଛି। 

କନ୍ଧମାଳ: ଭାରସାମ୍ୟ ହରାଇ ଓଲଟିଲା ଓଭରଲୋଡ ଅଟୋ। ଅଟୋ ଓଲଟି ୩ ଗୁରତର ଦଶରୁ ଅଧିକ ଆହତ। ବାଲିଗୁଡା ଥାନା ମିଡିଆକିଆ ଗ୍ରାମ ଗଡ଼ମାହା ଘାଟିରେ ଗୋଟିଏ ଅଟୋ ଭରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଛି। ତେବେ ଅଟୋରେ ଯାତ୍ରୀ ଭର୍ତ୍ତି ଥିବାରୁ ଏହି ଦୁର୍ଘଟଣା ଘଟିଛି। ଆହତ ହୋଇଥିବା ସମସ୍ତ ଯାତ୍ରୀଙ୍କୁ ବାଲିଗୁଡା ଉପଖଣ୍ଡ ଚିକିତ୍ସାଳୟରେ ଭତ୍ତି କରାଯାଇଛି। ସେଠାରେ ୩ ଜଣଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହୋଇଥିବାରୁ ଜିଲ୍ଲା ଚିକିତ୍ସାଳୟ ଫୁଲବାଣୀକୁ ସ୍ଥାନାନ୍ତରିତ କରାଯାଇଛି। ଅଟୋଟି ମିଡିଆକି ରୁ ବାଲିଗୁଡା ଅଭିମୁଖେ ଯାତ୍ରା କରୁଥିବା ବେଳେ ଦୁର୍ଘଟଣା ଘଟିଛି। ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।